Вакчияк: 19-тӥ толсур

Та арня понна берпуметӥ иворъёсмы. Выль иворъёсты вордӥськонэ вите!  

#zemos_udmurt_veme-лэн кыкетӥ емышез 

#zemos_udmurt_veme акция улсын лэсьтӥськись удмурт мультсериаллэн «Курка, ӵӧж но мукетъёс» серияз Кез ёросысь Тортым черкогурт возьматэмын луоз. Мультсериаллэсь кыкетӥ серизэ суредась Андрей Першин Тортымез быръемзэ отысь кужмо атмосфераен валэктэ. Ачиз но суредаськись Кез палъёсын будэмын. 

Тортым мультфильмын (суредаз Андрей Першин)

Тортым улонын  

Тодады вайытом, «Курка, ӵӧж но мукетъёс» вотэсын 10-тӥ тулыспалэ потоз. 

 

«Дэменэн» кивалтоз Дементьев

Удмурт лулчеберетъя «Дэмен» огазеяськонлэн тӧроез Роман Дементьев луиз. Роман сярысь «Юмшан57»-лэсь малпанъёссэ татысь лыдӟе. Кызьы оглом ортчиз быръён-конференция «Удмуртлык» вотэсбамысь шедьтоды

 

Гур фест

Удмурт дуннеын GooreFest Promo потӥз. Та промо-огин 12-тӥ тулыспалэ удмурт улэп крезьгурен нырысетӥ «Гур Фест» фестивалез радъямез сярысь ивортэ. Фестиваль БВИын ортчоз. Та дырлы тодмо ни кырӟась группаослэн нимъёссы но. Пӧлазы удмурт дуннелы тодмо Silent Woo Goore, Garuda, Peace Pu группаос, озьы ик «Долбушина и Пугач» но Maleficium Arungouilta группаос. 
Возьмаськом фестиваль сярысь выль иворъёсты!  

 

#туннэ

Туннэ (19-тӥ толсуре) 19:00 часын Ижкар музейын «Бриколаж» кинопроект Алексей Вахрушевлэсь «Книга Тундры. Повесть о Вуквукае — маленьком камне» кинозэ возьматоз. Киноын Чукоткаын 72-тӥ арзэ улӥсь но пужейёсты возись Вуквукайлэн улонэз адӟытэмын. 

Пыронэз дунтэк. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын