Вакчияк: 22-тӥ толсур

Выль арнядэс милям иворъёсмы бордысен кутске. Туннэ ми вакчияк тодматӥськом Ульяна Хохряковалэн выль кырӟанэныз, Вячеслав Михайловлэн адӟытонэныз но "Туала финн-угор" ӵошатсконэ пыриськись удмуртъёсын. 
 

#ВЫЛЬКЫРӞАН 

Вотэсын выль кырӟан потӥз. Со озьы ик «Шунды огазеяськонлэн «Куарагур-2» вожвылъяськоназ пыриське. Быдэстэ сое Bereket группаысь кырӟась Ульяна Хохрякова. Кылъёсыз Марина Пахомовалэн, нош крезьгурез Анна Образцовалэн. Ульяналэсь таӵе крезьгур улсын кырӟамзэ ми нырысьсэ кылӥськом ай. 

 

ТУАЛА ФИНН-УГОР   

Владимир Кулешов «Кышномурт но ортчемез»

Владимир Кулешовлэн «Кышномурт но ортчемез» туспуктэмез «Туала финн-угор» вожвылъяськонын вормиз но 100 евро утӥз. Туспуктэм вылын Наталья Дзыга. Оглом та ӵошатсконэ 82 мурт пыриськиз. Куинь нырысетӥ интыосты сяна, жюри висъяз эшшо укмыссэ туспуктэмъёсты, пӧлысьтызы витез — удмуртъёслэн. Денис Корниловлэсь «Шудо шундыпуксён», Наталья Шулаковалэсь «Нырысетӥ удмурт дэрем», Мария Золотаревалэсь «Туала нылъёслэн яратоно эшъёссы», Алексей Огурцовлэсь «Вашкалалэн но туалалэн пумиськонзы», Людмила Юферевалэсь «Паймымон песяйка» туспуктэмъёссэс татысь адӟыны но соослы сётэм дунъетэз лыдӟыны быгатоды. 

 

ГИРГОРЕЙ СЛАВИЛЭН «НАТЮРМОРТ» АДӞЫТОНЭЗ 

«Удмуртия» книгапоттоннилэн галлереяз тодмо удмурт суредаськисьлэн Вячеслав Михайловлэн «Натюрморт» нимо адӟытонэз усьтӥськиз.

«Берло дыре мон тросгес натюрмортъёсты гожъяны кутски, — шуиз Вячеслав Ильич. — Вань суредъёсме Алнаш ёросысь Писэйгуртын суредасько. Отын мынам малпанъёсы, буёлъёсы, суредан мылкыды». 

Адӟытон кык толэзь кыстӥськоз. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын