Вакчияк: 24-тӥ толсур

«Тӥляд иворъёсты бордысен кытын ке ӵашетон потэ ке, мон соку гинэ со арбериез-а, ужрадэз-а адӟисько. Акыльтэ, куке ваньмыз туж шыпыт мынэ. Кылсярысь, «Удмурт блогиня-2014» вожвылъяськон вылэ мыным дунне вал, таре синъёсы усьтӥськизы. Удмурт концертъёслэн анонсъёссы шоры но мон сыӵе меӵ синмын ноку ӧй учкылы...» — шуизы милемлы. Оло таосыз но иворъёсмы кинлэсь ке саклыксэ будэтозы? 

 

«БИЛАЙН» УДМУРТ КЫЛЫН 

«Билайн» рекламаоссэ удмурт кылэ берыктыны кутскиз. Та дырлы тарифъёс сярысь куинь ивортон удмурт кылэ берыктэмын ни. 

«Ми валаськом, Удмуртиын улӥсь абонентъёслы анай кылын ивортонъёсын тодматскыны каньылгес луысал шуыса. Тарифъёсъя ивортон-рекламаосты удмуртэ берыктон — со клиентъёсмы пала эшшо одӥг вамыш,» — шуиз «ВымпелКом» огазеяськонлэн кивалтӥсез Николай Тингаев. 

«Ваньмон дыр» куанэ, ми ваньмы «Билайн» вылын пукиськом уго. 

 

ТУЗӤ ДЫРПУС  

Толон Удмурт пуксёнын удмурт блогеръёслэн туспуктэмъёсынызы 2015-тӥ арлы дырпусэн тодматскон ортчиз. Татчы пыризы Марина Udmurto4ka Сергеевалэн, Маша Марайко Векшиналэн, Алина Эгра вера Крестьяниновалэн туспуктэмъёссы. Дырпусэз быдэсак татысь учкыны быгатоды. Отчы ик дырпусэз басьтыны мылкыд каремды сярысь гожтэмды луэ. 

Милемлы туж кельшизы Григорий Степановлэн туспуктэмъёсыз но, блогеръёслэн тусъёссы но, Polina Kubista-лэн дэремъёсыз но. Нош вылӥ дунъет ми сётысалмы блогеръёслэн татчы ик интыям чуръёссылы. Зэмзэ верано ке, ми ӧм но оске вал, удмурт дырпус сокем тузӥ пӧрмоз шуыса. 

 

УДМУРТ БЛОГИНЯ-2014 

Толон ик тодмо луиз, «Удмурт блогиня-2014» вожвылъяськонын Марина Udmurto4ka Сергеева вормиз шуыса. «Юмшан57» вормисьлы 3 000 манет кузьмаз.

Вормисез бырйись арт-критиклэсь Анастасия Шумиловалэсь бырйиськонзэ татысь лыдӟыны быгатоды. 

Мар шуод, кызьы шыпыт кутскиз та вожвылъяськон, озьы ик шыпыт быриз кадь. 
 

«ПУЗКАР» КУЗОНЫН  

26-тӥ толсуре Кузонысь Эшъяськон юртын (Павлюхина урам, 57) «Пузкар» киноез возьматозы. 

Кӧня калык люкаськоз кыкетӥзэ туала удмурт киноез учкыны, возьматонэз радъясь Павел Александровлэсь берло тодом ни. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын