Вакчияк: 25-тӥ толсур

Туннэ иворъёсамы: ку вотэсын "Пузкар" кино потоз, кӧня ар тырме "Ӟечбур!" газетлы, кыӵе выль кырӟанъёс толон вотэсын потӥзы, кытысь луэ басьтыны Богдан Анфиногеновлэсь ӵыж-выль "Айшет будущего" кылбур бичетсэ. 
 

«ПУЗКАР» ВОТЭСЫН ПОТОЗ 


Туспуктэм татысь басьтэмын

Вот таиз ивор ке, ивор! Ваньзылы, кин татчыозь ӧз на адӟы «Пузкар» киноез, али ик шумпотыны быгатӥськоды ни. 
26-тӥ толсуре «Пузкарез» кинолэн вотэсбамысьтыз но «ВКонтактеысь» огинысьтыз учкыны луоз. Выль арлы кузьым, ява. 

 

#ВЫЛЬКЫРӞАНЪЁС 

Пуроысь рэппер Алексей Пикулев яке ПШNR выль кушем ним кутӥз. Табере со MORT. Та нимын кырӟасьлэн вотэсын нырысетӥ ужез потӥз. Нимаське со «Мон лобо». Кырӟанэз борды MORT гожтӥз: «Выль трек. Выль стиль. Выль кушем ним». Учком ни, мар талэсь пӧрмоз. 

 

Выль ар кырӟанъёслэн лыдзы йылӥз. Алина Антонова, Влад Андреев но Электроники Djs выль кырӟан гожтӥзы. Нимаське со «Выль Арен». Дэмласьком кылзыны но сотэк но йыре кылись кылъёссэ дышетыны. Выль ар ныр улын ни ук! Ӟепады котькуд учырлы удмурт кырӟан мед луоз. 

 

КЫТЫСЬ ШЕДЬТЫНЫ? 

Богдан Анфиногеновлэсь ӵыж-выль «Айшет будущего» кылбур бичетсэ «Сахар» арт-интыысь шедьтыны луэ. Озьы ик аслыз кылбурчилы вазиськыны быгатӥськоды. 
Дыртэ, 97 книгаем тираж ӝог октӥськоз. Берло жалялоды, таӵе туала но зол кылбуръёсын удмурт книга кияды но ӧз вуы шуыса. 

 

«ӞЕЧБУР!» ГАЗЕТЛЫ — 85 АР 

Удмурт пиналъёслы но егитъёслы «Ӟечбур!» газетлы вуоно арын 85 ар тырме. Газетлэн 15-тӥ толшоре потэм номерез та котырес дырпуслы сӥземын луоз. Соин валче газетын ужасьёс лыдӟисьёссылы таӵе куронэн вазисько
«Гажано лыдӟисьёсмы, газетэн герӟаськем малпанъёсты, веранъёсты, тодэ ваёнъёсты вань ке, та ар пумозь ӝегатскытэк милемлы гожтэ». 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын