Вакчияк: 26-тӥ толсур

Туэ понна берпуметӥ удмуртарня но берпуметӥ удмуртарня иворъёсмы. Лыдӟытэк эн кельтэ! 
 

#ВЫЛЬКЫРӞАН 

Тодмо удмурт кырӟась Светлана Ручкина Ladi Sveti нимын выль кырӟан гожтӥз. «Пӧяд» нимо кырӟанлэсь кылъёссэ кылбурчи Ксения Евсеева гожтӥз. Тодады вайытом, кылбурчилэн но кырӟасьлэн та кыкетӥ огъя ужзы ни. Нырысетӥез — гужем гожтэм «Веръя» кырӟан, кудӥз соку ик «ГОРОД ФМ» тулкымъёс вылын шудыны кутскиз. 
Выль кырӟанэн ӵош ик толон «ВКонтактеын» Ladi Sveti | Лади Свети нимын огин усьтӥськиз. 

 

IFUSCO-2015

16-18-тӥ оштолэзе Венгриын IFUSCO-2015 ортчоз. Конференцие пыриськыны ӧтисько уралистикаен но солы матын луись тодосъёсын вырисьёс но тунсыкъяськисьёс. Регистрациез ортчыны но тросгес та конференция сярысь тодыны татын быгатоды. 

 

ВЫЛЬ ДИСК

Крезь лэсьтонъя мастерской туннэ выль крезьгур диск поттэ. Нимаське со «Цикл Времена Года». Та дискын тодмо гуръёс удмурт инструментъёсын выль сямен быдэстэмын. 
Диск потэ ке но, сое басьтыны уз луы на. Со эскерон тираж. 

 

ДЫРПУС 

Тодӥськоды на-а, татын ми гожтӥм вал, Якшур-Бӧдьялан «Мисс Литература-2015» вотэс-вожвылъяськон ортче шуыса? Та вожвылъяськонэ пыриськисьёс яратоно книгаысьтызы геройёс кадь туспуксизы. Соос пӧлын Удмурт кылосбуръя факультетысь Настя Загребина но Оля Вахрушева. Озьы ик удмурт произведениосысь геройёслэсь тусъёссэс Марина Пантелеева но Софья Васильева ас вылазы мертазы. Туспуктэмъёс понна куара сётон туннэ йылпумъяськыны кулэ ни вал, но ӵошатсконэз радъясьёс вормисез быръёнлэсь берло нуналъёсы куштӥськоно луизы. Озьы ке но туспуктэмъёсын дырпус поттэмын луоз. Тиражез туж пичи — 25 штука. Но радъясьёс оско, дырпусэз поттыны юрттӥсьёс сюрозы ай. Дэмланъёсты вань ке, гожтэ

Софья Васильева Михаил Петровлэн «Италмас» поэмаысьтыз Италмаслэсь туссэ мерта.

Марина Пантелеева Кедра Митрейлэн «Секыт зӥбет» романысьтыз Дыдыкез возьматэ.

Настя Загребина Михаил Петровлэн «Италмас» поэмаысьтыз Италмасэз шудэ.  

Ольга Вахрушева Филипп Кедровлэн «Катя» повестьысьтыз Катяез возьматэ.  

Туспуктэмъёс татысь басьтэмын. Татын ик мукет ӵошатскисьёслэн туспуктэмъёссы. 

 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын