Ӟенеликен шудон

Котькудды тодӥськоды, дыр, "Бутылочка" нимо ӟуч шудонэз. Азьло та шудонэн зэмос ӟенеликез бергатыса шудо вал, собере со пелепонватсэтлы пӧрмиз. Нош кылем арняе сыӵе пелепонватсэт удмурт кылын потӥз. Малпаз сое Лукерья Шихова, суредаз Вера Штыкова, нош лэсьтӥз удмурт программист Гриша Григорьев. 

«Ӟенелик» — со удмурт шудон пелепонватсэт. Соин шудон понна, нырысь ик эшъёстэс но тодмоостэс бичалэ, собере ваньды ӵош одӥг котыретэ пуксе. Пелепондэс шорады пуктэ но шудыны кутске. 

Луэ шудыны кызьы ке дасям косонъёсын, озьы ик асьтэ малпам косонъёсыныды но. Асьтэ косонъёсыныды шудэмды потэ ке, соосты нырысь малпалэ, собере пелепонватсэтэ ватсалэ. 

Али пелепонватсэтын кызьлэсь трос дасям косонъёс.Тросэз соос пӧлысь удмурт кылын но удмуртлыкен герӟаськемын. Кылсярысь: 

— Мурӝол Андеграунд кадь тэтчаса "Мы супер удмурты" кырӟанысьтыз припевзэ быдэсты;
— Удмурт кылбур вера. Ӧд ке быгаты, бур но паллян палад пукись эшъёсыд пельёстэ мед позыръялозы;
— Ӟуч кылэ берыкты: кун, кунпус, куншет, кунул. 

Шудонлэн йылыз-пумыз ӧвӧл, соин ик та косонъёс олокӧня пол сюрыны быгатозы. Пелепонватсэтэз лэсьтӥсь Гриша Григорьев оскытэ, ӝоген «Ӟенелик» выль косонъёсын тырмоз, нош али таосыныз шудыны утчалэ ай. 

«Ӟенелик» шудонэз татысь пелепонады пуктыны быгатӥськоды.

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын