Вакчияк: 29-тӥ толсур

Валаса но ӧм вуэ кадь, кызьы толсурлэн берпуметӥ вордӥськонэз вуиз. Огназ ӧз вуы, котьку сямен сьӧраз иворъёс вайиз. Дэмласьком соосын тодматскыны. 

 

КИНЛЫ УДМУРТ ТОЛ БАБАЙ?

Ижкарын удмурт Тол Бабай потӥз. Сое пиналъёсты яке асьтэ доры ӧтемды потэ ке,  +79124450462 номеръя жингыртэ. Нимыз Владимир. Дуныз 1 500 манет. 

 

«АРБЕРИ» ярмаркофест: #ТУННЭ

29-30-тӥ толсуре ярмаркаосты ортчытъясь «Арбери» огазеяськон туэ понна аслэсьтыз берпуметӥ ужрадзэ ортчытэ. 11:00-19:00 часын «Столица» вузкарон центрын. Выль ар кузьымъёсты ӧвӧл на ке, тӥледлы татчы! Киын лэсьтэм арбериосын вузкарон сяна, татын пӧртэм мастер-классъёс ортчо на. 

 

«ПУЗКАР» ВОТЭСЫН! 

Inwis kinopottonni-ен пуктэм кыкетӥез удмурт кино — «Пузкар» — табере вотэсын. Тодады вайытом, премьераез бере 10 толэзь ортчиз ни. Али но та киноез учкыны ӧд на вуэ ке, татчы зӥбе но учке. 

 

ТУНСЫКО КИНОос: #ТУННЭ

Ижкар киноклуб туннэ берпуметӥ киновозьматонзэ радъя. «Дружба» киновозьматонниын 19:00 часын кык росси киноез учкыны луоз. Огез — «Писатель «П». Попытка идентификации» — тодмо ӟуч гожъяськись Виктор Пелевин сярысь кино, мукетыз — «Очаг» — Глазкар сярысь Вениамин Тронинлэн фильмез. 

Вениамин Тронин «Очаг» фильмысьтыз 

Вениамин Тронин «Очаг» фильмысьтыз 

Вениамин Тронин «Очаг» фильмысьтыз 

Пыронэз дунтэк. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын