Вакчияк: 15-тӥ толшор

Толон вакчияк иворъёс сярысь вераны ӧм вуттэ, соин ик толло веранозэ но, туннэзэ но огазеяса сётӥськом. Узыр пӧрмиз кадь. 
 

КУЗЕБАЙ ГЕРДЛЭН ВОРДСКЕМ НУНАЛАЗ 

Толон Кузебай Гердлэн синпелетэз азьын удмуртъёс дано тодосчилэсь, кылбурчилэсь, этнографлэсь 117 арессэ пусйыны люкаськизы. Кызьы со вал, лыдӟе татысь

 

ЭСТОН КЫЛБУРЧИОСЫН ПУМИСЬКОН 


Туспуктэм татысь кутэмын. 

15-тӥ толшоре (туннэ) 17:00 часын «Мумы дор» кунокоркан Эстон кылбурчиосын Яан Малиен, Триин Соометсэн, Роомет Якапиен пумиськон ортчоз. Кылбурчиос эстон кылын кылбуръёссэс лыдӟозы, нош берыктоз соосты Муш Нади. Мылкыд карисьёслы Триин Соометс кӧня ке йогалы дышетоз. 

 

КРЕЗЬ ГУРЪЁС 


Туспуктэм татысь басьтэмын. 

17-тӥ толшоре «Волна» клубын (Софья Ковалевская урам, 16) «Цикл времена года» дисклэн презентациез ортчоз. Поттӥз сое крезь лэсьтонъя мастерской. Дискын тодмо гуръёс удмурт инструментъёсын выль сямен быдэстыса сётэмын. 

 

POETRY SLAM 


Вормисьёс — Любовь Ганькова (удмурт дэремен) но Оля Камашева (сяськаё дэремен) 

Гожъям ни вал, 13-тӥ толшоре Алнашын Poetry Slam ортчыны кулэ шуыса. Кылбуръёсын вожвылъяськонэз Удмуртиысь гожъяськисьёслэн огазеяськонзы Алнаш ёрос лыдӟонюртлэн, Сергей Кирилловлэн, Удмурт Кенешлэн Алнаш ёзэтэзлэн юрттэменыз радъяз. Озьы ик вожвылъяськонэ Эстониысь куноос но Муш Нади вуылӥзы. 
Кылбуръёсын вожвылъяськонын вормисе кык мурт потӥз. Со Любовь Ганькова но Оля Камашева.

 

ЭКТОН-КУАМЫН 2

15-тӥ толшоре (туннэ) 20:00 часын «Кристалл» клбуын «ЭКТОН-КУАмын» позыръяськон ортчоз. Тодады вайытом, Оксана Бисар таӵе нимын позыръяськон кыкетӥзэ радъя ни. Валтӥсь куно — Любовь Быкова. Озьы ик кырӟалозы «10 гужем нунал группа», Ада Диева но мукетъёс. Тросгес татын

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын