Вакчияк: 16-тӥ толшор

Нырысетӥ ужан арня ортчиз. Тросэзлы со тодмо кылёз Кузебай Гердлэн вордскем нуналэныз но солы синпелет азьын лэсьтэм инстаграмысь астуспуктэмъёсын. Нош туннэ иворъёсмы таӵеесь.  

 

МУРӜОЛ UNDERGROUND OFFICIAL COMMUNITY 

«ВКонтактеын» удмурт хип-хоп быдэстӥсь кырӟасьлэн Мурӝол Undergroundлэн нимаз бамез кылдӥз. Нимаське со Мурӝол Underground Official Community. Та бамын люкамын кырӟасьлэн кырӟанъёсыз, клипъёсыз, концертъёсысь но позыръяськонъёсысь видеоос. 

 

УДМУРТ КЫЛЪЯ КУРСЪЁСЫ СЮРЕС

1-тӥ тулыспалысен Удмурт кылъя курсъёс выль группаосын занятиос ортчытыны кутскозы. Соин ик удмурт кылэз дышетыны мылкыд карись тодмоосты яке эшъёсты вань ке, соосты татчы вазиськыны косэ. 

 

ШЕРГИНЛЭН ӴЫЖ-ВЫЛЬ ПЬЕСАЕЗЪЯ

17-тӥ толшоре (ӵуказе) 18:00 часын Филармониын Les Partisans театр Валерий Шергинлэсь ӵыж-выль «Н.Ж.В.Д.» пьесазэ лыдӟоз. Тодады вайытом, В.Шергин ассэ удмурт драматург нима.
«Н.Ж.В.Д.» — гордъёс но тӧдьыос сярысь, 1917-тӥ арын ортчем Граждан ож сярысь пьеса. Татын зэмлык но, малпам учыръёс но, серекъян но, фантастика но. 

Пыронэз: кӧня сётэмды потоз, сомында. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын