Вакчияк: 19-тӥ толшор

Выль арня — выль иворъёс. Ну мар, кошким! 
 

«ВАМЫШлэн» ЕМЫШЕЗ 

 


«Шунды» огазеяськонлэн «Вамыш» лагерез туэ журналистъёсты но блогчиосты дышетон бордын ужаз. Печатьлы сӥзем отрядэ вуэм егитъёсты блогчи Мария Векшина дышетӥз. Та отрядлэн емышез — со егитъёслэн ужъёсынызы поттэм газет. Дунъялэ! 

 

ВЫЛЬ ШРИФТ 

Удмурт программист Гриша Григорьев тэк уг пукы. Удмуртарняе «Гожъяськы шонер» огинын со удмурт букваосын выль шрифт лэсьтэмез сярысь ивортӥз. Тросгес та сярысь татын

 

ЭСТОН КЫЛБУРЧИОСЛЭН ВУЫЛЭМЗЫ 


Туспуктэм татысь басьтэмын. 

13-15-тӥ толшоре Удмуртие эстон кылбурчиос вуылӥзы. Куинь нунал ӵоже соос Алнашын, Некрасов нимо лыдӟонюртын но «Мумы дор» кунокоркан эстон кылын кылбуръёссэс лыдӟизы, нош удмурт кылбурчи Муш Нади кылбуръёссэс удмурт кылэ берыктыса лыдӟылӥз. Кылбурчиосын пумиськонъёсты Удмуртиысь гожъяськисьёслэн огазеяськонзы но «Инвожо» журнал радъязы. Берпуметӥезлэн «ВКонтактеын» огинысьтыз туспуктэмъёсты но видеопуктонъёсты али учкыны луэ ни.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын