Вакчияк: 22-тӥ толшор

Уфф, сессиен йырин иворчиосмы куинь нунал ӵоже выль иворъёсын ӧз шумпоттылэ, али тани ӝамдэлы экзаменъёссылэсь вис каризы. Кыӵе иворъёс сярысь вакчи дыр ӵоже гожтыны вуиллям, асьтэос лыдӟе. 


КУРКА, ӴӦЖ НО МУКЕТЪЁС 

Тужгес но возьмамтэ ивор, дыр. Zemos_udmurt_veme акция улсын лэсьтэм кыкетӥез удмурт мультфильм дась! Туннэ сое «Ӟенелик-2» удмурт патиын возьматозы, нош ӵуказе вотэсэ куштозы. Тодады вайытом, тазэ мультфильмез Андрей Першин лэсьтӥз. Мультфильм «Курка, ӵӧж но мукетъёс» выжыкылъя лэсьтэмын. 


ӞЕНЕЛИК-2 удмурт пати

22-тӥ толшоре (туннэ) "Резеденция" клубын "Ӟенелик-2" нимын позыръяськон ортчоз.Тросгес со сярысь татын


АСТУСПУКТЭМ

Толон быдэс дуннеын кыкетӥзэ ни Museum Selfie акция ортчиз. Мылкыд карисьёс музее ветлыса астуспуктэм лэсьтӥзы но #museumselfie хештэген сое вотэсэ куязы. Ижкар Музейын ужась Алексей Шкляев #museumselfie хештэг вӧзы выль удмурт #астуспуктэм кылэз гожъяны дэмлаз. Озьы «астуспуктэм» кыл Удмуртиысь вотэс-журналъёслэн вотэсбамъёсазы потӥз. Огезлэн удмурт тодосчилэн верамезъя, табере «астуспуктэм» кылэз удмурт кыллюкаме но пыртыны луэ ни. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын