Вакчияк: 23-тӥ толшор

Та арня понна берпуметӥ иворъёсмы. Лыдӟытэк эн кельтэ!

 

МЕӴАК ЭФИРЫН PEACE PU

Туннэ 22:00 часын «Эктоника» дорын куноын Peace Pu группа. Та группа кылем арын гинэ кылдӥз ай, нош фанатъёсыз макем трос ни. «Мынам Удмуртие» радиоез кылзӥсьёс туннэ меӵак эфирын группалэсь улэпкын кырӟамзэ кылыны быгатозы. 

 

БУЯ АЧИД

Юлия Шахтина ивортэ, Пероггурт школаысь дышетскисьёслэн кичӧлтэмзыя но Улосэз азинтонъя институтлэн юрттэмезъя аслыд буяно суредъёсын бичет поттэмын. Бичетын Удмуртиын улӥсь 10 калык возьматэмын. Книгаен тодматон Анай кыллэн нуналаз ортчоз. 

 

ЭРИК БАТУЕВ нимо ПРЕМИЯ

«Удмурт дунне» газетлэн валтӥсь редакторез Зинаида Рябинина Эрик Батуев нимо премилэн лауреатэз луиз. Ивор вӧлмытонъя удысысь ӧнерчиослы туэ ньылетӥзэ ни та премиез сётозы. Премиен пусъён ӝыт 30-тӥ толшоре ортчоз. 
Тодады вайытом, та премиез 2011-тӥ арын «Удмурт Кенеш» но Улосэз азинтонъя институт кылдытӥзы. 

 

АРТ-ФЕХТОВАНИЕ 

Арт-фехтованилы дышетӥсь «Виват» школа-студия выль дышетскисьёсты люка. Нырысетӥ занятие 2-тӥ тулыспалэ. Тренеръёс удмуртэсь. Одӥг толэзь дышетскон 2 сюрс манет пала усе. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын