Нунал лыдпус: 40 000

#Zemos_udmurt_veme акция улсын ньылетӥез мультфильм суреданы кутскемын. Таиз мультфильм 40 сюрс манетлы усёз. 

Выль мультфильм «Толэзьлэн тусыз» удмурт выжыкылъя суредамын луоз. Суредась-аниматор интыын нош ик Андрей Першин, кудӥз та акция улсын ик «Курка, ӵӧж но мукетъёс» мультфильмез лэсьтӥз. Выль мультфильмлэн потон нуналыз — 1-тӥ оштолэзь. 

Тунсыко: Удмурт кун университетысь Удмурт кылосбуръя факультетысь дышетӥсьёс «Курка, ӵӧж но мукетъёс» мультфильмлэсь сценарийзэ туала кариллям. Синвуоссэ кисьтӥсь курегез соос Кельмаковен экзаменын «кык» басьтэм студентэн ӵошатӥллям, нош мукетъёссэ — асэнызы дышетӥсьёсын, кудъёсыз курегез я возьытэ уськыто, я буйгатыны тыршо… Нош пумаз, валамон ни, happy end. 
 

Та дырлы #zemos_udmurt_veme фондын 25 385 манет но 157,11 евро кылемын. Тодады вайытом, оглом 45 мультсериал лэсьтыны малпамын. Соин ик… 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын