Вакчияк: 2-тӥ тулыспал

Нунал пумын ке но выль иворъёсын тодматскыны дэмласьком. Ваньмон дырды вань ке, лыдӟытэк эн кельтэ. 
 

КОТЫРЕС ӜӦК

3-тӥ тулыспалэ 12:10 часын УдГУлэн 2-тӥ корпусаз (211-тӥ аудиториын) тодмо удмурт кылчилы Тамара Ивановна Тепляшиналы сӥзем котырес ӝӧк ортчоз. Ужрадын озьы ик Тамара Ивановна сярысь фильм возьматэмын луоз. 


 ВЫЛЬ «ИНВОЖО»

2015-тӥ ар понна «Инвожо» журналлэн нырысетӥ номерез потӥз! Вылбамаз тодмо удмурт кырӟась Иван Белослудцев. Журналлэн валтӥсь редакторез Пётр Захаров удмурт кырӟасьмес Ален Делонэн ӵошатӥз ни. 
Озьы ик та номерын удмурт кылэз анай кылзэ кадь умой тодӥсь Петр Палганэн интервью вань. 

 

ВЫЛЬ КЫРӞАН 

Иван Белослудцев выль кырӟан гожтӥз. Нимаське со «Улон дыртэ». Крезьгурез аслаз, кылъёсыз рэп быдэстӥсь Алексей Пикулевен ӵош гожтэмын. «ВКонтактеын» бамаз Ваня гожтэ, ассэ выль жанрын эскере шуыса. Милемлы кельше!
Выль кырӟанэз татысь кылзыны луэ. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын