Пӧртмаськон

Пӧртмаськон

7-19-тӥ толшоре удмуртъёс пӧртмаськыса (вожояськыса) ветло. Вожоос асьсэос дӥсь вуро. Ӵемысь пиос ныл дӥсясько, нош нылъёс пилы пӧрмытскыны тыршо. Ымныръёссэс ваньзы ватыны туртто: яке эгырен зырало, яке маин ке шобырто. Киязы бодыос, веникъёс, бутылкаос куто, пыдъёсазы гынсапег яке кут кутчало, вылазы мыддорин берыктэм фуфайка яке шуба дӥсяло. Ульча кузя шуш черекъяса но кырӟаса ветло. Гуртоослэн корка сэрегъёсазы кокало, укноосазы йыгасько, ӧсъёсазы дымбырто но куное пырало. Корка пушкын но шуш черекъямысь уг дугдо, озьы ик кырӟало но вузо, шулало. Гуртоос медаз тдмалэ шуыса, висказы выросъёсын яке шыпыртыса верасько.
Нош гурт калык пӧртмаськисьёсты шуныт пумита, эктыны но кырӟаны косэ, кӧт тырымон утялтэ но эшшо сьӧразы кампет но мукет ческыт сиён келя. Со понна пӧртмаськисьёс шуд, сиёно-юоно улон сӥзё, уродзэ коркаосысь улляло. Нош кин вожоос азе ӧссэ уг усьты, солы пӧртмаськисьёс ӧч каро: ӧс азязы лымы пазяло, артанаоссэс куашкато.
Вожоосын урамын пумиськид ке, соос тонэ лымыын погыллятэк уз кельтэ. Бордад медаз ёре шуыса, таӵе учыръёсы соослы кисыысьтыд векчи коньдондэ яке кампеттэ сётыны умойгес луоз.
Нош тӥляд гуртады пӧртмасько на?

Ялӥськом ӵошатскон: Тӥляд гуртады та йылол кылемын ке, гуртоосты (яке асьтэос!) пӧртмаськыса ветло ке, соку туспуктэ соосты но келялэ милемлы. Бордаз вакчияк гожтэ, нош кызьы ортче тӥляд туала удмурт пӧртмаськонды (кыӵе дӥсен, мар кырӟало пӧртмаськисьёс, мар верало, кызьы но кытын бичасько но мукет). Ӵошатскон 20-тӥ толшорозь кыстӥськоз. Тужгес тунсыко туспуктэмлы но туала удмурт пӧртмаськон сярысь выль иворлы - кузьым!

Туспуктӥз: Мария Золотарёва

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын