Тау, Ватка!

Толон Удмурт кун университетын "Ватка" театральной этностудия Николай Байтеряковлэн "Солдатъёс ке кошко" поэмаезъя спектакль возьматӥз. 

"Солдатъёс ке кошко" - "Ватка" этностудилэн куинетӥ спектаклез ни. Солэсь азьло вал "Яратон, яратон..." спектакль но "Матӥ но Мардан" бадӟымъёслы туала выжыкыл. Вань та спектакльёсты ӵошатоно ке, тужгес но зол пӧрмемын "Матӥ но Мардан". Сое та ӝытэ мылкыд карисьёс эшшо огпол адӟыны быгатӥзы. Нош выль спектакль бордын ужано на. Этностудилэн кивалтӥсез Василий Ушаков ачиз но со сярысь кыл поттылӥз. Озьыен, ӝоген таиз но спектакльзы йылаз-пумаз вуыны кулэ кадь. 

Кызьы ке "Матӥ но Мардан" ас вакытаз возьматӥз Люба Киселёвалэсь кужмо артист луэмзэ, "Солдатъёс ке кошко" но усьтӥз выль нимез - Алина Герасимоваез. Озьы ик висъяськизы пиос, кудъёсыз этностудие кык кузя гинэ ветло. Саша Корепанов но Максим Королёв, паймытӥды! Василий Серафимович, Тӥляд сцена вылэ потэмды - со спектакльёстылэн тужгес но кужмо интыосыз, мар ватонэз.

"Ваньмон дыр" котьку но шумпотэ "Ваткалэн" выль спектакльёсызлы. Угось этностудия комедиос пуктымтэеныз уг кышка ыштыны учкисьёссэ, со понна нимысьтыз бадӟым тау!

Марина Волоскова но Алина Герасимова

Василий Ушаков но Алина Герасимова

Саша Корепанов

Марина Волоскова, Вика Титова, Максим Королёв, Алена Орлова, Настя Данилова, Настя Сергеева

Настя Данилова

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын