Шулан нунал

Кез ёросысь Зӧк Олып гуртын кыкетӥ арзэ ни Шулан нуналэз пусъё. Туэ Шулан нуналлы сӥзем ужрад 22-тӥ инвожое ортчиз.


ШУЛАН НУНАЛЛЭН ИСТОРИЕЗ

Кӧня ке даур ӵоже Ватка карын «Свистопляска» яке берлогес «Свистунья» нимо праздникез пусъё вылэм. Та нуналэ вазь ӵукна калык нырысь кулэмъёсты буре вайылэм, собере огазе люкаськыса шулам но эктэм. 19-тӥ дауръёсы праздниклэн нырысетӥ люкетэз вакчигес луэм, нош юмшан 2-3 нуналлы кемагес кыстӥськыны кутскем.

Уйпал удмуртъёс оско, зол шултыса адями бордысьтыз сьӧд кужымъёсты улляны быгатэ. Озьыен, синусёнлэсь туно сяна шулан но утьыны быгатэ.

Кез ёросысь тодӥсь муртъёс шуо, шуланы араз огпол гинэ яра — Инвожо сяськаян вакытэ. Шуланы быгатӥськод огнад яке калыкен, ачид яке пӧртэм шуланъёсын.

Ваньзэ тае тодӥсь Кез ёросысь Зӧк Олып гуртысь Александр Иванович Иванов кыкетӥ арзэ ни Шулан нуналэз ас гуртаз ортчытэ. Ачиз ик радъясь но, нуись но, шулась но, ӝук пӧзьтӥсь но.


ТУАЛА ШУЛАН НУНАЛ

22-тӥ инвожо. Дас час ӵукна. Клуб дорысь ӟусъёс пиналъёсын тырмытэмын. Бӧрсязы кӧня ке мӧйы песянайёс сыло. Эшшо кык егит нылъёс планшетсэс поттыса пуко.

Александр Иванович вакчияк маде Шулан нуналлэн историез сярысь. Вылаз горд сӥньысъёсын пужыятэм дэрем, йыраз — куро изьы. Микрофонэз дырын-дырын кысылэ. Пиналъёслы со серем потэ.

— Ойдолэ ужрадмес шулан бордысен кутском, — шуэ Александр Иванович. Пичиос куано. Пӧртэм сямен шулам куараос омырез тырмыто.

Собере калыкез кырӟанъёсын шулдыртыны «Ивушка» ансамбль потэ. Та ансамбль Александрово бускель гуртысь вуэмын. Мӧйы кышномуртъёс кырӟасьёсты шумпотыса кылзо, кин ке «Браво!» но кеськыны вуэ.

Александр Иванович нош ик микрофон азе вуэ. Табере со учкисьёсты пӧртэм шуланъёсын тодматыны кутске но котькудӥныз шула. Пиналъёс паймыса учко туйлэсь, сюрлэсь, горд сюйлэсь лэсьтэм шуланъёс шоры. Паймытэ соосты узьыгумы, кудзэ али шланг юдэслэсь но лэсьтыны луэ, пе.

Табере калыкез шулдыртыны пичиос пото. Шуланъёсын, балалайкаен но арганэн. Пӧлысьтызы огез маиныз ке но туж тодмо потэ. Тодмо удмурт кырӟасьлэн Иван Белослудцевлэн Антон выныз вылэм. Вотэсысь видеоосысь тросэзлэн сое адӟылэмез вань, дыр.

Ужрадлэн нырысетӥ люкетэз йылпумъяськыны вуэ-а, уг-а, пиналъёс шудонъёсын вузкарись доры бызьыса кошко ни. Отысь вуэмзы бере гинэ удмурт книгаосын вузкарись кышномурт доры ӝамдэлы султыло но берен кошко.

Вис дыръя ик мотоблокен ваем пӧсь ӝук зыныныз гочатэ. Александр Ивановичлэн кышноез Татьяна Валерьевна ваньзэс ӝукен куноятэ. Собере мылкыд карисьёс кык-куинь пол дораз сюкась юыны вуыло на.

Шулан нуналлэн кыкетӥ люкетэз туала концертлы тупа ни. Тэтчало но экто AmneZia группаысь пиос. Огез соос пӧлысь Александр Ивановичлэн пиез — Саша Иванов. Мукетыз пиезлэн эшез — Семён Талызин. Со эктэ но, кырӟа но. Собере кырӟа Сашалэн эшшо огез эшез — Диана Булдакова.

Концерт бере пичиосты AmneZia группаысь пиос эктыны дышето. Пичиосын ӵош кышномуртъёс дышетскыны султо. Ваньзы куанэмын.

Пумаз ваньзы одӥг круге султо но эктыса лэзё. Вань лыктэмъёслы инвожо сяськаен но шулан нуналлэн пусэныз магнитикъёс но сусыпулэсь амулетъёс кузьмасько. Шумпотэм пиналъёс берен Александровое лагерязы кошко.

Бушам клуб азьын сылыку, син азе усе дэмланъёсын но тау карон кылъёсын кагаз. Александр Ивановичлы та нунал понна ваньзы тау каро но ушъяло. Нош кин ке ватса на: «Сӥзисько спонсоръёсты шедьтыны...»


ТАУ!

«Ваньмон дыр» озьы ик тау каре Александр Ивановичлы но семьяезлы таӵе вашкала йылолэз туала улонэ берыктэмзы понна. Татчыозь ми ум но тодӥське вал таӵе нунал сярысь но, сомында шуланъёс сярысь но.

Сӥземмы потэ, та ужрадды вуоно арын гурт ужрадысь ёрос ужрадлы мед пӧрмоз шуыса. Нош Шулан нуналэ вуыны мылкыд карисьёс асьме палъёсысь сяна, кунгож сьӧрысь но мед кыстӥськозы.

Бадӟым Тау!

Александр Иванович Иванов

Александр Иванович Иванов

Ивушка ансамбль

«Ивушка» ансамбль

Учкисьёс

Учкисьёс

Учкисьёс

Учкисьёс

Учкисьёс

Учкисьёс

Пӧртэм пумо шуланъёс

Пӧртэм пумо шуланъёс

Устоесь пиналъёс

Устоесь пиналъёс

Антон Белослудцев

Антон Белослудцев

Александр Иванович узьыгумыен шудэ

Александр Иванович узьыгумыен шудэ

Татын ик удмурт книгаосты басьтыны луиз

Татын ик удмурт книгаосты басьтыны луиз

Семён Талызин но Саша Иванов — Глазкарысь AmneZia эктон группаысь пиос

Семён Талызин но Саша Иванов — Глазкарысь AmneZia эктон группаысь пиос

Семён Талызин

Семён Талызин

Диана Булдакова

Диана Булдакова

Мылкыд карисьёс шуланъёс лэсьтыны быгатӥзы

Мылкыд карисьёс шуланъёс лэсьтыны быгатӥзы

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын