"Воршуд" фестиваль: вормисьёс

12-13-тӥ толсуре Ижкарын финн-угор калыкъёслэн улосвылкуспо «Воршуд» фестивальзы ортчиз. Куатетӥез фестиваль вашкала но туала калык костюмлы сӥземын вал. 

13-тӥ толсуре Егитъёслэн юртазы фестивалез усьтон ужрад ортчиз. Татчы 200 пала мурт пыриськиз. Пӧлазы Удмуртиысь, Татарстанысь, Башкириысь, Комиысь но Марий Элысь мода театръёс, модельеръёс, студиос. Оглом 26 дӥсь коллекция возьматэмын вал. 

Нош вормисьё пӧлы сюризы: 
— «Вашкала калык костюм» номинациын — Якшур-Бӧдьялась Декоративно-прикладной центрлэн «Чузъяськись даур» коллекциез; 
— «Огшоры нулдон костюм» номинациын — Иванова Инналэн но Щенникова Ольгалэн «Этно-mix» коллекцизы (Глазкар); 
— «Режиссёр образ» номинациын — Аксанова Оксаналэн «Стихии северных глубин» коллекциез (Сыктывкар);
— «Сцена вылэ потон костюм» — Надежда Касаткиналэн «Рябина» коллекциез (Эгра); 
— «Вуоно этно-мода» номинациын — Зоя Лебедевалэн «Странницы» коллекциез (Пичи Пурга). 

Фестивальлэн эшъёсыз озьы ик асьсэлы кельшем коллекциосты висъязы:
— Polina Kubista Studio —  Крекнина Ириналэн «Мунёлы изён гур» коллекциез (Красногорск ёрос);
— «Сахар» арт-инты — Писэйгурт школаын дышетскисьёслэн «Чильтрокъёс» коллекцизы (Алнаш ёрос);
— «Миладелица» творческой инты — Дэбесысь Чермянина Еленалэн «Мелодия шумящих подвесок» коллекциез. 

Гольык фактъёс борды кӧня ке туспуктэмъёсты ватсаськом на. Кудӥз — кинлэн, асьмеос сураса быдтӥм ни, соин ик ум но гожтэ. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын