Татьяна Репиналэн "Монографиез"

29-тӥ куарусёнэ Татьяна Репиналэн "Монография" кылбур бичетэзлэн презентациез луоз. Ужрад "Грифон" арт-центрын 18.00 часын кутскоз. "Ваньмон дыр" тодматскиз егит кылбурчиен

 Татьяна Репина, кылбурчи, поэт

 - Таня, кытысь тон? 

- Мон вордски Ижкарын 1991-тӥ арын. 

- Кытын дышетскид? 
- Удмурт кун университетысь филологи факультетын. 

- Маин али выриськод? 
- Мон корректор. Озьы ик гожъясько статьяос, кылбуръёс, проза но суредаськисько. Кык арзэ ни "Брезентовая цапля" кылбур лыдӟонъёсты дасяны юрттӥсько, ачим но отын кылбуръёсыным тодматӥсько. 

- Ку кылбураны кутскид? 
- Кемалась, пичи дыръям ай. Но малпасько, рос-прос кылбуръёс 2-3 ар талэсь азьло гожъяны кутски ай. Берпуметӥосыз ик "Монография" кылбур бичетам пыризы. 

- "Монография" - нырысетӥ книгаед? 
- Бен, малпасько, озьы. Дас куать аресам огез романэ книга кадь потӥз ик, но со аслымгес вал. 

- Мар пыриз "Монографие"? 
- Книгаын огезлэн тросэз сярысь лулусьтонэз. Кылбуръёс но кӧня ке проза пыр. Кызьы ке озьы. 

- Мар презентацияд луоз? 
- Кылбуръёс, крезьгур но пичи адӟытон. Мыным юрттозы Юлия Касимова («Los Cocodrilos» группаысь но «Панамский канал» проектысь крезьгурчи) но Дмитрий Коротаев («Блокнот по имени Сноб»-лэн авторез). 


Презентация ӟуч кылын ортчоз.

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын